Racconti e Poesie
CAPIDÖGN IN DI RIGORD
Da “Ghe pensi mi” Pensieri poetici di
Luigi Balmelli
Vint ca, tachee sü quasi
in du bosch…
Tanti stradin e tantu scaradig…
Un’osteria, un negozi, un barbee,
e pù nagot, ma la spensieratezza
di des ann…
Nusctalgia e rigord par num du cinquantün
nasüt lì...
Quanti ur, setee sü in di müritt…
a ciciarà, fantasticaa,…e vardaa luntan…
e lur...i müritt...i scultava, i rideva…i capiva…
E giugaa a nascundes, um rivava parfin…
in di frazion visin…
Quantu ciamaa i a fai i nos mam…
par naa a mangia…
Quanti sbelott par i brag rot…
Cum l’eva luntan...luntan...Lügan.
E in di sirat afuus d’agost…
a vardaa la luna, i stell…
e sentii bat fort ul cör…
par la tusa biunda rivada in da frazion.
Ala dumeniga la mesa e ul dumescdì
la prucession par vegh ul gelato…
e cum l’eva bon…
Rigord...Rigord….d’una banana
rubada cun desctrezza al verduree Buzzin…
Sunaa i ciocc par i Re Magi…
e i toll a Pascqua par mescdì…
ul ma de tescta par i prim bucad di zigarett…
i prim busii, par fass grand.
Adess...Adess...tüt l’è cambiò
l’é rivò l’asfalt e ul prugress l’à fai ul rest
chi fiöö che is setava sui müritt,
i é nid grant e om...om de Capidögn
i busii i sa fai grand…
i müritt i sufriss.
Ma par nüm du cinquantün, i bei rigord…
da frazion...i m’ai porterà via mai nisün…
e ogni tant ul cör u sa strenc…
e u pensa ai bei temp pasee lì…
e na grosa lagrima la bagnaa la fascia...
fascia...da nusctalgia…
Rigord e nusctalgia anca par i amis mort…
Cum l’è nid trop presct visin...Lügan.
Intervista a Luigi Balmelli apparsa sulla rivista di Lugano il 05.05.2006 pdf
Estratto da " Alto Vedeggio ieri e oggi"
Edizione Rivista di Lugano